2. gülüstan müqaviləsi (ingiliscə: treaty of gulistan) — 1813-cü ilin 12 oktyabr tarixində rusiya imperiyası ilə qacar iran dövləti arasında imzalanmış və tarixi azərbaycanın ərazisini rusiya ilə iran arasında bölən birinci müqavilə. çar rusiyası osmanlı imperiyası ilə 1812-ci ilin yayında imzaladığı buxarest müqaviləsində osmanlı imperiyası rusların qafqazı işğalını tanıyır, bu torpaqlara iddiasından əl çəkir. 1812-ci ildə napoleonun rusiya hücumundan dəyərlənməyə çalışan iran vəliəhdi abbas mirzə rusiyanın işğal etdiyi azərbaycan xanlıqlarına hücum etsə də general p.kotlyarevski bu hücumları dəf edir və bölgədə hərbi-siyasi üstünlük qazanır. bu hallar ingiltərəni bərk narahat edir və onların təkidi ilə iran rusiya ilə müqavilə imzalamaq qərarına gəlir. 1813-cü ilin 12 oktyabrında gülüstan kəndində birinci rusiya-iran müharibəsinin qurtarmasını bildirən müqavilə imzalanır. bu müqavilə tarixə imzalandığı yerin adıyla gülüstan müqaviləsi kimi daxil olur. müqaviləni iran tərəfdən şahın vəkili mirzə əbdülhəsən xan, rusiya tərəfdən isə ratişev imzalayır. bu sülh müqavilənin şərtlərinə əsasən şimali azərbaycan xanlıqlarından irəvan və naxçıvanı çıxmaq şərtilə yerdə qalan bütün xanlıqlar (talış, şirvan, quba, bakı, gəncə, qarabağ, şəki) rusiyaya verilir.